Shillong Nohprah 23: Ki paidbah na kylleng ki jaka kila wan tuid lutsha Khyndailad ban peitkai ia ka jingpynitynnad ia kane ka jaka baroh kawei ha kaba la pynpun ia ki Lights bad la pynriam pynrup bha (Decoration) ia kane ka jaka kaba don hapdeng jong ka nongbah Shillong.
Kane ka jingpynitynnad ia kane ka jaka kadei kum shi bynta ban pyniphuh iphieng bad ban pynsngewtynnad ia ka jingpynkhreh ia ka Christmas bad New Year bad kane kadei ka jaka pdeng kaba ki paidbha na kylleng ki leit ban thied ia ki jaiñ ki nep, ki jingbam, ki tiar ki tar bad kumta ter ter.
Ia kine ki jingpynitynnad la leh da ka tnad Arts & Culture jongka Sorkar Jylla bad ia kane ka jingpynitynnad la leh ha kylleng ki bynta jong ka Nongbah Shillong bad hapoh sor Tura bad ha ki snem ban wan kane ka tnad Sorkar ka don ia ka jingthmu ban pynitynnad ha man la ki District jong ka jylla.
Ha kane ka kynti kaba mynta, ka jingpynitynnad kam shym la kut tang ha ka Khyndailad hynrei la pynitynnad ruh ia ka surok shaduh sha Motphran ia kaba la buh ia ki Khlur kiba thaba bad la pynpun ia ki Lights ha shi lynter jong ka surok.
Naduh kiba rit haduh kiba la heh kila leit khnang sha Khyndailad ym tang ban thied ia ki jingtied kiba bun rukom, hynrei kila leit ban peit khnang ia kine ki Decoration bad ki Lights kiba la pynitynnad bad bun kila sei ruh ia ki mobile phone ki jongki ban shondur ialade bad iala ki baieid bathoiñ.
Lah ban ong, man la u snem la pynitynnad ia kane ka thaiñ hynrei ka jingpynitynnad mynta ka kynti kala long kaba kham heh shuh shuh.
 ia kane ka jaka kaba don hapdeng jong ka nongbah Shillong.){kind=link}