Shillong, Nohprah 18: Ka Meghalaya kala pynliem da 4 wiket ia ka Mizoram ha ka jingiakhun ia ka U-16 Boys’ Vijay Merchant Trophy kaba la long hynne ka sngi nyngkong ha Cuttack.
Ka Mizoram kala kamai tang 179 run ha ka sien tied kaba nyngkong ne First Inning bad ka Meghalaya kala lah ban kamai 215 run bad hap lut ki nongtied. Ka Mizoram kala leit ban tied biang, ha ka sien ka baar bad kala kamai 194 run bad hap lut ki nongtied.
Ka Meghalaya ka donkam ban kamai 159 run ban ioh ia ka jingjop bad kala lah ban pyndep ia kane bad hap tang 6 ngut ki nongtied.
Haba leit ban tied, ka Meghalaya kala pyrshang katba lah ban ialehkai bha bad u Kriswal S Marak ula kamai 40 run, u Dipayan Nandi ula kamai 35 run bad u Rudra Singh Rathore ula kamai 20 run.
U Heiyomiki Ryngkhlem uba la mih kham hadien, ula kamai 28 run khlem Out ban pynthikna ba ka Meghalaya kan jop ia kane ka jingiakhun.
Haba phai sha ki nongkawang bol ka Meghalaya u Manthan Gupta bad u Apandanka Marak kila ioh mar 4 wiket, u Paisal Ali bad u Gaurav Jyoti Thakuria kila ioh mar 1 wiket.
Ka Meghalaya kan iakhun pyrshah ia ka Manipur ha ka 21 tarik u Nohprah bad kane kan dei ka jingiakhun kaba khatduh ha ka Group Stage jong katei ka lympung iakob ialehkai cricket.
