Agartala, Nohprah 18: Ka Twipra Students’ Federation (TSF) kala pynrem jur ia ka Janajati Suraksha Mancha (JSM) kaba la pynbna ban pynlong iaka Rally ha ka sngi rakhe iaka Christmas Day, ban dawa ba dei ban pynduh noh ia ka jingai Schedule Tribe ia kito ki riewlum kiba la kylla sha ka niam Khristan.
U President ka TSF u Samrat Debbarma bad u General Secretary u Hamalu Debbarma ha ka kyrwoh khubor, kila pynpaw, “Ba ka riti synshar ka ri, ka batskhem ia ka nongrim jong ka jingailad bad ia ka hok ba laitluid ban mane. Ka hok ban jied bad ban ngeit ia kano kano ka niam bad kadei ka hok bad ka kamram ha longbriew manbriew ia kaba ym dei ban pynbor da kano kano ka kynhun. Kano kano ka jingthmu ban leh donbor ne ban niew beiñ ia uno uno u riewshimet da kaba pynshong nongrim ha ka niam kaba u ngeit ka long pyrshah iaka riti dustur ha ka imlang sahlang khamtam ha ka ri synshar paidbah.
Kila ong ruh, ba ka jingdawa ka JSM pyrshah ia ki Khristan ka long ka bym iahap bad ka bym don nongrim.
Ki nongialam ka TSF kila pynrem jur ia katei ka jingdawa ka JSM bad kila ong ba ka long ka jingpynkheiñ pyrshah ia ka hok ha ka riti synshar ka ri India.
U President ka TSF ula ong ba ki riewlum hapoh kane ka ri kila mad lypa ia ki jingeh kiba bun bad ka jingbuh kyndon ha ka jingngeit ne niam na ka bynta ban ioh ia ki jingmyntoi, kan nang pynjur iaka jingiakhih ha ka jingiakhun ki riewlum ban dawa ia la ka hok bad khamtam eh ban pyrshah iaka jingshah leh shilliang khmat.
 kala pynrem jur ia ka Janajati Suraksha Mancha (JSM) kaba la pynbna ban pynlong iaka Rally ha ka sngi rakhe iaka Christmas Day, ban dawa ba dei ban pynduh noh ia ka jingai Schedule Tribe ia kito ki riewlum kiba la kylla sha ka niam Khristan.){kind=link}