Shillong, Nohprah 18: U Chief Executive Member (KHADC) u Bah Pyniaid Sing Syiem hynne ka sngi Nyngkong ula aiti iaka Trok thymmai sha ka Dorbar Shnong Rynjah na ka bynta ban kit ia ki niut ki nier.
Ha kane ka sngi la don lang ki MDC ba kynthup u Bah Fantin Lakadong, u Bah Latiplang Kharkongor, u Bah Bindo Lanong, u Syiem ka Hima Mylliem u Paiem Ainam Manik Syiem, u Rangbah Shnong, ki longkmie, ki nongshong ïew bad ki paid nongshong shnong.
Ia kane ka Trok thymmai la aiti sha ka Dorbar Shnong Rynjah na ka ban kit iaki nuit naka Iew Rynjah bad naka Shnong baroh kawei.
Haba kren ha kane ka sngi, u Bah Pyniaid ula ong, ba ia kane ka jingsam kali kit nuit sha man ki shnong kadei naka bynta ban pynthikna ia ka khuid ka suba.
U Bah Pyniaid ula ong baka District Council ka don iaka thong ban wanrah ka khuid ka suba ha man ki shnong bad dei namar kane kala wanrah daka Solid Waste Management Bill bad ban pyntreikam daki Resources Recovery Centre (RCC) ha man ki Shnong.
Ula iathuh ba iaka Trok kit nuit la mang lyngba ka Chief Ministers Special Development Fund (CMSDF) bad iaka kali la thied ha ka dor T.24 lak.
U Bah Pyniaid ula kyntu iaka Dorbar Shnong Rynjah ban wad jaka naka bynta ban buh daka RCC naka bynta ban pyllang iaki jaboh ba mih naka Iew bad naki longïing.
“Ka jingdon ki RCC kan aikam iaki trai Shnong namar lyngba ki RCC ki paidbah ki lah ban die iaki nuit ba pyllang sha ki Company kiba pyndonkam iaki nuit bala pyllang” la ong u Bah Pyniaid.
Na ka liang u Syiem ka Hima Mylliem u Paiem Ainam Manik Syiem ula pynbna ban synniang da ka song pisa sha ka Dorbar Shnong.
Ha kane ka sngi ka Dorbar Shnong Rynjah kala ai khusnam ruh iaki nongtrei ASHA bad Aganwadi ban ai jingithuh iaka jingshakri jong ki ha ka imlang sahlang.
 u Bah Pyniaid Sing Syiem hynne ka sngi Nyngkong ula aiti iaka Trok thymmai sha ka Dorbar Shnong Rynjah na ka bynta ban kit ia ki niut ki nier.){kind=link}