Shillong, Nohprah 17: Ka Meghalaya hynne ka sngi U Blei, kala tam da 36 run ia ka Mizoram ha ka U-16 Boys’ Vijay Merchant Trophy kaba la long ha Cuttack.
Ka Meghalaya kala bteng ban tied biang hynne ka sngi, hadien ba ha ka sngi Saitjain kala kamai 137 run bad hap 4 wiket bad hynne ka sngi ka Meghalaya kala kamai 215 run bad hap lut ki nongtied bad tam da 36 run ia ka Mizoram kaba la kamai 179 run ha ka sngi Saitjaiñ.
Ka Mizoram kala leit ban tied biang hynne ka sngi ha ka sien ka ba-ar bad kala kamai 160 run bad hap 6 wiket.
U nongtied ka Meghalaya u Dipayan Nandi ula kamai 78 run katba u Benedict Jones Makdoh ula kamai 23 run bad u Manthan Gupta ula kamai 21 run khlem Out.
U Dinpuia ula kamai 58 run naka bynta ka Mizoram hynrei 4 ngut ki nongtied jong ka Mizoram kila hap dang kloi bad kamai tang hapoh 5 run, hynrei u Peka ubala tied 100 run tam haka jingleit tied kaba nyngkong iaka Mizoram, hynne ka sngi ruh ula bteng ban ialehkai bha da kaba kamai 62 run bad ym pat out satia, kaba ki nongkawang bol ka Meghalaya kila pyrshang ban pynkhyllem noh ia une u nongtied.
U Nongkawang bol ka Meghalaya u Apandanka Marak ula bteng biang ban lehkai bha bad ula shim 3 wiket, katba u Manthan, u Paisal Ali bad u Gaurav Jyoti Thakuria kila shim mar shi wiket.
