Tyrwa pynheh ia ka surok Weiloi-Trongpleng, Trongpleng-Lad Bakli
Shillong, Nohprah 16: U MLA ka Mawsynram constituency Bah Olan Singh Suin ula kyntu ia ka Tnad Public Works Department (PWD) bad ia ki Contractor, ba kin trei pynkloi ia ka surok Mawphlang-Weiloi kaba jrong kumba 30 Km bad ban pyndep hapoh ka por bala buh.
Une u MLA ula pyntip ba ka Sorkar kala mang haduh T.48 klur ban pyntrei ia kane ka surok kaba la buhpor ban pyndep hapoh u bnai Kyllalyngkot 2025. U iathuh ba ki don arngut ki contractor kiba pyntrei ia ka surok.
“Ka jingpyntrei ia ka surok kala iaid beit iaid ryntih mynta bad nga la dep iakren bad u Chief Engineer lem bad ki Contractor ba kin pynsted iaka kam khamtam halor ka jingsiang rong” ong u Bah Olan.
U Bah Olan u iathuh ruh ba kum u MLA ka Mawsynram ula phah iaka jingtyrwa (Proposal) ha ka Sorkar ba kan synheh sa iaka surok na Welloi sha Trongpleng bad halor kane ula dep ban iakren bad u Symbud Myntri Rangbah ka Jylla u Bah Prestone Tynsong uba khmih ruh iaka tnat PWD (Roads).
U Bah Olan ula iathuh ba ula phah iaka jingtyrwa (Proposal) ban pynheh sa iaka surok na Weloi sha Trongpleng kaba don kumba 33 km ha ryngkat ka jingmang T.86 klur bad u kyrmen ba ha u snem 2024 ka Sorkar kan mynjur iaka mang tyngka.
Ula iathuh ba kala don ruh ka jingtyrwa ban pynheh iaka surok na Trongpleng sha Lad Bakli lyngba ka PR bad naka liang ki Engineer ki dang pynkhreh iaka Estimates.
“Lyngba kine ki jingman tyngka naka bynta ki surok, ka thain Mawsynram constituency kan sa iohi iaki jingkylla haba iadei bad ki surok namar ka surok ka long kaba donkam bha ban kyntiew iaka ioh ka kot khamtam iaki nongrep” ula ong.
Nalor kane u MLA ka Mawsynram ula ong ba ka Surok naduh Mawphlang shaduh Balat ka long kaba rit bad kaba sniew bha bad kane ka buh jingeh iaki nongleit nongwan khamtam iaki nongrep bad iaki nongpang.
“Ka jingbha ki surok hapoh ka thain Mawsynram kan iarap shuh shuh iaka thain ban kyntiew iaka kam jngohkai pyrthei namar ki don shi bun ki jaka jngohkai pyrthei kiba itynnad ha ka thain” la ong u Bah Olan.
 bad ia ki Contractor, ba kin trei pynkloi ia ka surok Mawphlang-Weiloi kaba jrong kumba 30 Km bad ban pyndep hapoh ka por bala buh.){kind=link}