Imphal, Nohprah 14: Hadien ka hukum ka Iingkashari Supreme Court, ki shipai India Air Force hynne ka step sngi Palei, kila pynkit noh ia baroh ki metiap jong ki lanot kam iaumsnam ha Manipur, bala shu buh naduh ka 3 tarik Jymmang ha ki jaka buh metiap (morgue) ha Imphal, shala ki jong ki jong ki District ban tep don burom ia ki.
“Naduh ka por mynstep, la sei ia kine ki metiap n aka jaka buh metiap hapdeng ka jingpahara kaba jur bha. La pynkit ia kine ki metiap da ki helicopter ka Indian Air Force na Imphal sha Kangpokpi District kaba bun paid da ki Kuki-Zo” ong ka khubor Sorkar.
Kumjuh ruh, kane ka jingpynkit ia ki metiap ki lanot, kan long ruh wat ha Churachandpur District, kaba la shah ktah jur eh ha kane ka jingiaumsnam pher Jaidbynriew.
Ha ka 28 tarik Naiwieng, 2023, ka Iingkashari Supreme Court kala bthah ia ka Sorkar Manipur ba kan pynkhreh bha nadong hadong ha kaban tep don burom ia ki briew kiba la duh iala ka jingim na ka jingkhie ka thma iapher Jaidbynriew hapoh ka Jylla.
Kane ka hukum kala mih na ka Iingkashari u Chief Justice DY Chandrachud bad Justice JB Pawdiwala lem bad u Manoj Misra, kila pynmih ia ka hukum halor ka kaiphod bala pynkhreh da ka Committee ba khlieh da ka Justice Gita Mital.
Kane ka Committee bala thaw da ka Supreme Court ha ka 7 tarik Nailar, 2023, kala pyntip ia ka Iingkashari ba ki don haduh 175 tylli ki metiap ba khlem pat tep hapoh Manipur.
Napdeng kine, 169 tylli ki dei kiba la ithuh bad 81 tylli ki dei ki ba la kam da ki bahaiing hasem bad 88 tylli ki bym pat don ba kam katba 6 tylli ki dei ki bym lah ban ithuh.
Ka kaiphod ka pyntip ba ka Sorkar Manipur kala ithuh ia khyndai tylli ki jaka ban thang ne tep ia kine ki metiap.
 ha Imphal, shala ki jong ki jong ki District ban tep don burom ia ki.){kind=link}