Guwahati, Naiwieng 30: U Myntri Rangbah ka Arunachal Pradesh Pema Khandu bad u Ambassador ka US sha India Eric Garcetti ha ka sngi Balang, kila plie ia “The Hump WWII Museum” (ka museum thma bah ba-ar), kaba dei ruh ka museum ba-ar ha Asia bala ainam sha ki shipai jong ka kynhun synrop ha ka thma Bah Ba-ar ha Pasighat, Arunachal Pradesh.
U Garcetti ula kam ba kane ka dei tang ka museum ha ka jaka ba kyndong eh jong ka Ri India, kaba jngai bah na ka Ri US hynrei kala dei ka museum kaba la shna bha.
“Ngi wan hangne mynta ka sngi ym tang ban kynmaw hynrei ban pynsah jingkynmaw. Ban iohi ia kaei kaba ngi iwei pa iwei ngi la shah khot ym tang ban sakhi ia ka mynnor hynrei ban leh eiei ha kaban pynkylla ia ka lawei” ong u Garcetti ha ka jingpynsahnam ia kane ka sngi.
Ula ai khublei bad pynpaw ka jingsngewnguh ia ka Sorkar India, ka Sorkar Arunachal Pradesh bad ka kynhun kaba don ha lynti ka jingshna ia ka museum hapoh ka jingialam jong u Director Oken Tayeng.
“Kane kam dei tang ka jingai sngewbha ia ka Arunachal Pradesh lane sha ki longiing jong kito ki mynsiem kiban sha ktah haba ki wan hangne hynrei ka dei ka jingai sngewbha sha ka India bad ka pyrthei baroh kawei” ula ong.
U Khandu haba pdiang sngewbha ia u Ambassador bad ka kynhun jong u, ula ong b aka ‘Hump’ ka dei ka jingkynmaw burom jong ki paidbah ka Arunachal Pradesh ia ki riewshlur ka Thma Bah Ba-ar.
Ula ong ba ym dei ban ailad ba ki khana pateng kin jah noh ha ka jingiaid ka por bad pynpaw ia ka jingsngewskhem ba kane ka museum kan pynkynmaw ia ka pateng mynta ia ka jingshlur jong ki shipai kiba ieng ban iakhun pyrshah ia ki jingma ba ap ia ka riti synshar paidbah bad ka jinglaitluid.
, kaba dei ruh ka museum ba-ar ha Asia bala ainam sha ki shipai jong ka kynhun synrop ha ka thma Bah Ba-ar ha Pasighat, Arunachal Pradesh.){kind=link}