Shillong Naiwieng 22: U President ka National People’s Party (NPP) Meghalaya u Bah Prestone Tynsong hynne ka nsgi Balang, ula pyntip ba ka State Election Committee jong ka seng, kala dep ban phah ia ka kyrteng jong ki kyrtong kiban iakhun ia ka MP Election na Shillong bad Tura Parliamentary Constituency bad mynta ki dang ap ban ioh ia ka jingmynjur na u National President ka NPP u Conrad K Sangma.
Haba iakren bad ki nongthoh khubor hadien ba la wai ka jingialang, u Bah Prestone Tynsong ula ong, “La khmih lynti ba hapoh kane ka taiew, shisien ba la ioh ia ka jingmynjur na u National President halor ki kyrtong kiba la pan tiket na kitei ki ar tylli ki constituency, ngan sa pyntip sha phi ia ka rai”.
Ula pyntip ba kila don ym duna ia ka 5-6 ngut kiba la pan tiket na kawei ka constituency, hynrei ym shim la treh pat ban batai ia ka kyrteng jong kitei ki nongpan tiket ban iakhun ia ka elekshon MP kiba la phah da ka committee ban ioh ia ka jingmynjur.
“Sngewbha wat nym pynkohnguh ia nga halor kane namar ba kane ka kam ka dang long ka bym pat long ban iathuh briew, tad haduh ban da ioh shwa ia ka jingmynjur na u National President ka NPP, kumta ngam lah ban kren eiei halor kane” ong u Bah Prestone.
Haba kylli na kaei ka daw ba ka kynhun MDA kam shym la pynieng da u kyrtong monlang mynta ka kynti kumba kala leh ha ka MP Election kaba la dep, u Bah Prestone ula ong, ba kam shym la don kano kano ka jingiatehkular bad kino kino ki kynhun kiba donlang haka sorkar synroplang jong ka Meghalaya Democratic Alliance-II.
 Meghalaya u Bah Prestone Tynsong hynne ka nsgi Balang, ula pyntip ba ka State Election Committee jong ka seng, kala dep ban phah ia ka kyrteng jong ki kyrtong kiban iakhun ia ka MP Election na Shillong bad Tura Parliamentary Constituency bad mynta ki dang ap ban ioh ia ka jingmynjur na u National President ka NPP u Conrad K Sangma.){kind=link}