Shillong, Naiwieng 21 : Ka Myntri ka Koit ka Khiah Kong Ampareen Lyngdoh ha ka sngi Ba-ar kala ong ba ka Sorkar Jylla kam pat kyrkieh satia ban shim rai haba iadei bad ka jingaiti ia ka 108 Emergency Service sha ka kompani ba thymmai.
Haduh 7 tylli ki kompani kila iashimbynta ha ka jingiathep tender ban shimti pyniaid ia ka 108 Emergency Service hapoh ka Jylla.
Haba iakren bad ki nongthoh khubor, ka Myntri kala ong “Ngi dang iakhmih ia kane ka kam bad nga ban sa shisien ba kine ki dei ki kam kiba hap khmih bniah bha bad phi donkam ban iaid kat kum ki kyndon bala buh. Ngim pat kyrkieh satia ban shim rai halor kane ka bynta”.
