Ahmedabad, Naiwieng 19 : Ka Australia sa shisien kala long biang ka World Champion !!! ka record kaba la kot sha ka hynriew sien bad bun eh.
Ka Kynhun ba ialam da u Pat Cummins kala ialehkai kum ka Champion pyrshah ia ka kynhun ka India ba ialam da u Rohit Sharma bad jop da kaba suk ia kane ka nam ha Admedabad hynne ka sngi U Blei.
Haba wan sha ka jingiakhun, ka India kala wan kum ka kynhun ba kyrmen eh ban jop ia ka nam lahduh khamtam ba ka dei ka kynhun kaba khlem pat shah rem ha kane ka lympung ialehkai.
Hynrei, ka Australia kala pyni biang ba balei ka ioh khur buh eh ia ka Worldcup title namar ka buh ia kaba jingialehkai kaba paka eh ha ka jingiakhun ba khatduh.
Haba tied nyngkong, ka kynhunthied (batting) ba pawnam ka India kim shym la lah ban ialehkai bha bad kila lah ban buh tang 241 run kum ka thong ia ka Australia. Ia ka India, u Virat Kohli bad u KL Rahul kila kamai ia ka half century katba u Rohit Sharma ula ioh kamai tang 47 runs na ki 31 ball.
Haba beh ia ka thong, ka India kala pyndep ban beh ia ka thong tang ha ka 43 over ha kaba u Travis Head ula lah ban tied bun eh bad kamai haduh 147 runs na ki 120 bol.
Ia ka khusnam Man of the Match la ioh da u Travis Head katba ia ka khusnam Man of the Tournament la ioh da u Virat Kohli uba la kamai haduh 765 runs ha kane ka lympung.
