Shillong, Naiwieng 15: U MLA ka North Shillong constituency u Bah Adelbert Nongrum hynne ka sngi ula dawa na u S. Singhania ban pynshai halor ka jingkynthoh baka Sorkar kala leh shilliang ban weng iaki jingeh kiba mih haka sngi Procession kaba la long haka 12 tarik mynta u bnai.
Lah ban kdew ba u S. Singhania lyngba kawei kot khubor ula kynthoh tyngeh iaki bor district ka East Khasi daka ba kynnoh ba ka Sorkar ka leh shilliang ban weng iaki jingeh dheng kali haka por pynlong Procession daka balang Catholic hynrei ka Sorkar ka sted ban shimkhia lada pynlong kiwei ki prokram kum ka Puja.
“Mano uta u S. Singhania, phi dei ne em u nongshong shnong ba pura ka Meghalaya ne phi dei tang uba sah wai hapoh ka Jylla. Nga sngewsih iaka jingkynthoh namar nga dei u riewngeit Catholic bad nga don lang ha kato ka sngi ba pynlong iaka Procession” la ong u Bah Adelbert.
U Bah Adlebert ula ong “Nga sngewkhia ia kane ka jingkynthoh bad nga dawa ba phin mih shakhmat ban pynshai iala ka jingkren khamtam halor ka jingkynnoh baka sorkar ka shim khia tang haka por Puja”.
