Nongstoiñ, Naiwieng 15: Ka HYC Lai Lyngdoh Circle ha ka sngi Balang, ka la leit ïakynduh ïa u Executive Engineer ka PWD (Roads) Nongstoiñ Bah S Massar, halor ka jingsniew ka surok Mawkaton-Nongstoiñ, kumjuh ruh ka jingkieng kaba don hapoh ka Shnong Mawkaton.
Ia kane ka kynhun ka HYC la ialam da President samla Wandap Marweiñ bad u General Secretary samla Willbirthsoon Kharsyiemlieh.
Ki nongïalam ka seng ki la pynpaw ba ka jingkieng ha ka thain ka la jot bha bad ka donkam ïa ka jingpynbha bad maramot, khnang ban lait na ka jingduhnong ïa ki paid nongshong shnong ka thaiñ kiba pyndonkam ïa katei ka jingkieng.
La ong ruh ba wat ka surok ka la sniew shaba palat, kaba la buh ia ka jingeh kaba khraw ïa kiba ïaid ba ïeng khamtam eh ha ka pang ka shitom.
U Samla Willbirthsoon u iathuh ba na ka liang u Executive Engineer u la kular ba un sa shimkhia ha kaban phah pynbha noh kloi kloi ïa ka jingkieng bad ïa ka Surok ruh kin sa thaw lad kham kloi.
U la ong ruh ba ka HYC Lai Lyngdoh Circle ka pynpaw ïa ka jingai khublei ïa ka office PWD halor ka jingkloi jong ki ban sngap ia ka jingeh u paidbah. Ula pynpaw ruh ba ka seng ka kloi ban ïa trei lang ryngkat bad ka office, na ka bynta ka jingbha jong ka dong bad ka thaiñ hi baroh kawei.
