Nongstoiñ, Naiwieng 15: Kawei ka hati kala pynjulor lut ia ki jingthung jingtep ha ka thain Shallang bad Shyrkon bad bam lut ia u kba ha kine ki khyndiat sngi bala leit noh.
Kane ka jingjia kala jia ha ka shnong 5 Kilo Kyllon Mathei kaba don ha ka thain Shallang bad ha ka shnong Photjalei, kawei na ki shnong ka thain Shyrkon.
U Sordar ka Shnong Photjalei Kitboklang Sangriang ula iathuh ba kane ka hati kam dei sati aka hati khlaw hynrei ka dei kaba ri da ki briew. Hynrei ula ong ba haduh mynta, ym pat don satia kiba wan kam trai ia kane ka hato.
Ki paidbah ka thain, kila iamih ban iabeh krad ia kane ka hati da kaba leit kawang da ki bom bula hynrei la iathuh ba kane ka mrad kam shym la phet satia.
U Sordar ula kyntu ia ki trai ba kin wan shaw noh ia kane ka hati lem kumta ka shnong kan ym don kano kano ka jingkitkhlieh lada jia eiei. Ka Shnong ka pynpaw ruh ba ka jingdon kane ka hati ka lah ruh ban buh ia ki nongshongshnong ha ka jingma.
