Shillong, Naiwieng 11: “Watla ngam dei shuh u nongialam ka Hynniewtrep Youth Council (HYC) hynrei ka thong jong ngakan iai neh ban shakri bad ban iada iaka bha ka miat ka jaidbynriew da kiwei pat ki lynti”.
Ia kine ki kyntien la ong da u President barim ka HYC Bah Robertjune Kharjahrin haka por pynskhem iaki nongialam thymmai ka Central Executive Committee (CEC) ka HYC.
Haba ai jingkren, u Bah Robert ula ong ba la seng ia ka HYC ha ka nongrim ban ieng iada iaka jinglong kyrpang ka jaidbynriew bad ban khmih iaka bha ka miat ki paidbah bad ka jylla.
U Bah Robert ula ong ba iaka HYC la seng ban dawa pyntreikam iaka Inner Line Permit (ILP) bad ha ki snem bala dep kila don ruh kiba artatien iaka jingseng iaka seng.
“Haki snem bala dep ki don kiba sngew artatien bala seng iaka HYC ban dawa iaka ILP hynrei mynta ngi lah ban ong ba hh kawei ngi la ioh ka jingjop namar mynta ka kynti baroh ki paidbad, ka Sorkar Jylla, ki sengbhalang bad wat ki sengsain pyrthei kila kwah ILP bad ka jingjop ba pura pat kan dei hadien baka Sorkar Pdeng ka mynjur ban pyntreikam noh ia ka ILP ha Meghalaya”ong u Bag Robert.
U Bah Robert ula ong ba ka Jylla ka donkam ki nongthaw ain ban thaw daki ain bad ki Policy ban iada iaka jinglong kyrpang ka jaidbynriew bad ban khmih iaka bha ka miat ki paidbah bad ka Jylla baroh kawei.
“Ka thong jong nga kan iai neh ban iada iaka jinglong kyrpang ka jaidbynriew bad ia kane ka thong ngan iai shakri bad ngan iai leh da kiwei pat ki lynti bad ki lad” ula ong.
 hynrei ka thong jong ngakan iai neh ban shakri bad ban iada iaka bha ka miat ka jaidbynriew da kiwei pat ki lynti”.){kind=link}