Shillong, Naiwieng 08: U Myntri uba khmih ia ka tnad Fisheries u Bah AL Hek ula ong ba ka sorkar jylla kan sa tei ia ki Aqua Park ha ka jylla bad mynta ka tnad Fisheries ka dang pynkhreh iaka Detail Project Report (DPR) jong kane ka project.
Ula ong ba ia ka Fish Dale kaba don ha Nongbah Shillong yn sa pynkylla noh kum ka Aquapark bad yn sa tei ruh ia kawei ka Aquapark ha Bhoirymbong bad ha Umsning.
U Bah Hek ula ong ba mynta kin dang pynkhreh iaka Detail Project Report na ka bynta ban tei ia kitei ki 3 tylli ki Aquapark ha ka jylla.
Ula iathuh ba hynne ka sng ula iakren bad u Secretary ba thymmai jong ka tnad Animal Husbandary and Veterinary na ka bynta ban tei iaka Veterinary Hospital ha 5 Mer Upper Shillong bad ka long kaba donkam ban pynsted noh ia kane ka kam ban ai jingsumar ia ki mrad.
