Shillong, Naiwieng 06: Ka Civil Hospital Shillong kala ioh lum pisa haduh T.6,29,18,877 hapoh 3 snem baka shakri iaki nongpang kiba wan sumar ha kane ka Hospital.
Ia kane la pyntip da u nongwad RTI u Bah Disparsing Rani uba la iathuh ba kane ka jingioh lum pisa ka Civil Hospital Shillong kadei naka CT Scan, MRI, Blood Test, UG Scan bad X-Ray.
U Bah Disparsing ula iathuh ba katkum ka kaiphod bala ioh naka Civil Hospital Shillong ka kdew ba haki 3 snem ka Hospital kala ioh lum T. 2.42 klur naka jingpyndonkam ki paidbah iaka CT Scan, T. 26 lak naka MRI, naka X-Ray T.4 lak, Blood Test T.2.55 klur bad T. 57 lak naka UG Scan.
“Kane ka jingwad RTI kadei ban pyntip paidbah haba iadei bad ka jingioh lum pisa ka Civil Hospital Shillong namar tang haki 3 snem, kala ioh lum T. 6,29,18,877 klur bad ki paidbah ki don hok ban ioh ki lad jingsumar kiba bha” la ong u Bah Disparsing.
U Bah Disparsing ula iathuh ba ka don kawei ka kor MRI Scan kaba shongdor haduh T. 4.90 klur ka ba la pyntrei naduh 2013 hynrei mynta ka kynti kam treikam shuh.
Nalor kane u Bah Disparsing ula kynnoh ba ki don ki Doctor, Nurse bad ki nongtrei 4 Grade hapoh ka Civil Hospital Shillong kiba khlem pat ioh tulop naduh ka por ba ki wan trei ban iakhun iaka khlam COVID, watla ka tnat ka koit ka khiah ka dang don T.43 klur bala mang ban iakhun pyrshah iaka khlam hapoh Meghalaya.
