Pyniasoh da ki spah ngut ki samla na Shillong sha ka FKJGP
Shillong, Naiwieng 06 : Ka Federation of Khasi Jaintia & Garo People (FKJGP) kala pynpaw ba ka jingkynrei jong u droks hapoh ka Nongbah Shillong, ka dei ka jinghiar thma ba jar jar jong ki mynder ia ka Jaidbynriew bad ki samla Khasi kila kylla long ki langknia jong ki mynder.
Ia kane la kren da u Vice President ka FKJGP Seng Kmie samla Kitboklang Nongphlang ha ka jingialang pdiang ia ki spah ngut ki samla na kylleng ka Sor Shillong, kiba wan pyniasoh sha ka seng FKJGP , kaba long myn ha ka sngi Thohdieng ha Ophis treikam ka Seng ha Mawlai Kynton Massar.
“Ka jingkynrei jong u droks ha Nongbah Shillong ka dei ka jinghiar thma ba jar jar jong ki mynder ia ka Jaidbynriew…kiba bun ki samla kiba ngop ha utei u jingdih pynbuaid, ki dei tang ki langknia katba kiba pynpoi bad pynngop pat ki dei beit ki khyllah jait” ula ong.
Une u Nongialam ka FKJGP ula kyntu ia ki dkhot ka seng ba kin long kiba phikir, kiba peitngor bad ban long kiba la khreh ban iakhun pyrshah ia ka thma droks kaba la bam kruin ia ka Jaidbynriew.
U President ka Seng Bah Dundee C Khongsit hashwa ban pynskhem ia ki Nongkitkam ba thymmai ka FKJGP Shillong City, ula pynshai ia ki nongrim treikam jong ka seng bad ong “Shisien ba phi la pyniasoh ialade bad ka FKJGP, tip shi ba shiliang ka kjat kala don lypa ha ka along bad shilong par shabar”.
“Phi dei ban don ka mynsiem ba shynrang, ka bym tieng, ka bym khawpud bad ka mynsiem ka bym pyndem satia ban iakhun na ka bynta ka dawbah jong ka Jaidbynriew” ula ong haba maham ia ki dkhot ka Seng ba kim dei satia ban long ki khwan myntoi na ka bynta ka malade.
Katba u General Secretary ka Seng Bah Eldie Newton Lyngdoh, ula pynkynmaw ba ki dkhot ka Shillong City ki dei kiba la mad ia ka jingshah tyntuh ba bun rukom ha ki snem bala leit noh. “Kila shah kem, shah bom shah tied haba ki pyrshang ban iakhun ia kiba bun ki ishu ka Jaidbynriew hynrei sngewtynnad pat ba haduh mynta ka ym shym la shah ban theh umpjah ia ka nongrim ba skhem bad ia ka mynsiem iaid ri jong ki Dkhot”.
Ia kane ka jingialang la pyniaid da u Chief Organising Secretary ka seng Kmie Bah Khrawkupar Nongsiej bad kiba la ai jingkren ki kynthup ruh ia u Senior Vice President Bah Elton Cliff Warjri uba la kyntu ia ki dkhot ba ki dei ban don ia ka mynsiem ba shitrhem ban shakri ia ka jaidbynriew.
Ki Nongkitkam ka FKJGP Shillong City jong ka samoi 2023-2026 ki long :
1. President – Arkinfield Khonglam
2. Vice-President – Simon Myrthong
3. General – Secretary – Shane Nongrum
4. Joint Secretary – Wanpyndap Marbaniang
5. Asst. Genl- Secy – Kyrshan Syiemlieh
6. Organising Secretary – Alfredy Kharbuli
7. Organising Secretary – Barilang Pyngrope
8. Organising Secretary – Donkupar Dympep
9. Organising Secretary -Dapkmen Syiemiong
10. Information Secretary – Embhahlang Talang
11. Asst. info. Secretary -Sherborn Shabong
12. Education Secretary – Garry N. Thangkhiew
13. Asst. Edu. Secretary – Boney Jyrwa
14. Socio & Cultural Secretary – Larikupar Lyngdoh
15. Asst. Socio & Cultural Secretary – Bantei Nongkhlaw
16. Sports Secretary -Donavan Pyngrope
17. Asst. Sports Secretary – Batkupar Nongkhlaw
18. Disciplinary Secretary – Rist Thabah
19. Asst. Disciplinary Secretary – Kordor Lyngdoh
20. Environmental Secretary – Hopewell Kharkongor
21. Asst. Environmental Secretary – Collin Trunia
22. Agriculture Secretary – Arban Katrai
23. Asst. Agri. Secretary – Mark Wahlang
Nalor jong kitei ki Office Bearers la jied ruh ia kiwei pat ki 36 ngut ki Dkhot na kylleng ki jaka kiba hap ha Sor bad Khapsor kum ki Dkhot sha ka Executive Committee jong ka FKJGP Shillong City.
Pule lang ia kane: Rai ka NESO ban iakhih ba ym lah pynkut ka Sorkar Pdeng ia ki kam umsnam ha Manipur
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
