Shillong Risaw 30: Ki samla Nongialam bad ki Dkhot ka seng Hynñiewtrep Indegenous Territorial Organisation (HITO) kila khylliap noh ia ka lama jong kane ka Seng ha Ri-Bhoi District, da ka jingrai ban iamih paidbah noh shisien mih na kane ka seng namar ka jingkynnoh lehdonbor u President ka Seng Kmie.
Ia kane ka jingmih seng jong baroh ki Nongialam bad ki Nongkitkam ka HITO ha Ri-Bhoi, la pynbna da u Secretary ka HITO Ri-Bhoi Bah Kenny Nongrum bad u Vice President Bah Elvis Kyrsian.
Kine ki Nongialam kila pyntip ba baroh ki Nongialam bad ki Nongkitkam ka HITO Ri-Bhoi kila shim ia kane ka sienjam namar ka jingpyrshah ia ka jingpynbna ba syndet syndet jong u President ka Seng Kmie Bah Donbok Dkhar ha ki social media Group ba ula weng kam ia u President bad Working President ka Ri-Bhoi District.
“Ngim lah ban pdiang iaki rai shimet uPpresident ka HITO khlem da tip lang baroh ki dkhot ka Ribhoi” kila ong.
“Da ka jingiatylli bad shaniah ha la ki nongialam ka District ngi la shim lang ia ka rai ban mih noh baroh ki nongkitkam ka District bad ki Area kum ki dkhot ka HITO bad ban bteng iaki kam paidbah lyngba ka Ribhoi Youth Welfare Organization kaba la seng naduh u snem 2017” kila bynrap.
Kine ki Nongialam kila ong “Ngin shakri paidbah noh hala ka dong ka thaiñ Ribhoi shwa shwa lait ka khim ki jingshakri” ong u bah Keny Nongrum.
 kila khylliap noh ia ka lama jong kane ka Seng ha Ri-Bhoi District, da ka jingrai ban iamih paidbah noh shisien mih na kane ka seng namar ka jingkynnoh lehdonbor u President ka Seng Kmie.){kind=link}