Shillong, Risaw 23: U Symbud Myntri Rangbah ka Jylla Bah Prestone Tynsong hynne ka Sngi Nyngkong, ula leit ban jngoh ia ki Puja Pandal kiba don ha kylleng jong ka nongbah Shillong ban pynlong ia ka jinglehniam Durga Puja jong ki riewngeit Hindu.
Ha katei ka jingleit jngoh u Bah Prestone Tynsong la synran ia u da ka Deputy Commissioner ka East Khasi Hills ka Kong RM Kurbah, u SP ka East Khasi Hills Bah S Nongtnger bad ki nongialam jong ka Central Puja Committee (CPC).
“Nga la wan ban jngoh ia bun tylli ki Puja Pandal bad nga sngewkmen shibun ban iohi ba baroh ki riewngeit Hindu kila wan ban lehniam lehrukom hapoh ki Puja Pandal bad ka jinglong jingman ruh ka long kaba itynnad bha”ong u DyCM.
“ Nga ai khublei Durga Puja ia baroh bad nga kyrmen skhem ba kane ka puja kan long kaba iaid beit iaid ryntih bad kaba jop ha ka jylla baroh kawei” ong u Bah Prestone uba khmih ruh iaka kam pohiing haka jylla.
Pule lang ia kane: Haduh 250 tylli ki Puja mandal ban rakhe Puja ha Jylla, 64 tylli ha Shillong
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
.){kind=link}