Shillong, Risaw 16: Ki nongshet ja sngi (Midday Meal) ha ki skul lane ki Cook Cum Helpers jong ka skhim PM Poshan Meghalaya hynne ka sngi kila byrngem ban sangeh treikam lada ka sorkar jylla kam pyllait iaka bai nong kaba kidei ban ioh.
Kine ki nongshet ha ha ki skul kila pynpaw ka jingsngewdiaw bad jingsngewkhia baka sorkar jylla kala thok iaki daka ba pyllait iaka bai nong tang 3 bnai kumba la kular baroh 6 bnai.
Haba kren sha ki lad pathai khubor ka President jong ka Cook Cum Helpers Kong Banalis Syiem kala iathuh ba naduh ki snem bala dep, ka sorkar jylla kala kular ban pyllait lut ia baroh 6 bnai ka bai nong kaba kidei ban ioh hynrei haduh mynta ka sorkar ka dang pyllait tang 3 bnai.
Ka Kong Banalis kala ong ba kum ki nongialam ki don ïa ka jingsngewkhia namar ki nongshet ja ki ioh ka bai nong kaba rit hynrei ka sorkar jylla ka slem ban pyllait iaka pisa bad kane ka buh jingeh jan ia baroh ki nongshet ja haki skul.
“Ngi la rai ban ai por mynta u bnai iaka sorkar ban siew iaka bai nong jong u bnai Naitung, Nailar bad Nailur 2023 bad lada kam lah ban siew, ngin sangeh ban leit shet ja skul naduh u bnai Naiwieng 2023 bad kane ka jingsangeh ban leit shet ja sha ki skul kan dei ha baroh kawei ka jylla Meghalaya” ong ka kong Banalis.
Ka Kong Banalis kala iathuh ba ki nongshet ja sngi ki ioh ka jingsiew kaba T. 2 hajar ha ka shibnai ha kaba T. 1100 naka sorkar jylla bad T. 900 naka sorkar pdeng.
“Ngi kyrpad ia u myntri rangbah ka jylla u Conrad K Sangma ban iakren lem bad u myntri rangbahduh ka ri India ban kyntiew iaka bai nong ki nong shet hapoh ka jylla Meghalaya” kala ong.
Pule lang ia kane: Wan rung khlieh ka AAP ha NE ban iakhun ia ka elekshon Mizoram
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
