Shillong, Risaw 12: Ka jylla Meghalaya kala mad iaka jingrem hynne ka sngi da 7 wiket ha ka Manipur ha ka jingiakhun ia ka Women’s U-19 One Day Trophy kaba la long ha Surat, katba ka kynhun jongki Shynrang ruh ha ka U-19 Men’s kila shah rem da 346 run ha ka Bengal ha ka jingiakhun kaba nyngkong jongka Vinoo Mankad Trophy kaba la long ha Vijayawada.
Ka kynhun ki kynthei jong ka Meghalaya kala iakhun ha ka sien kaba lai bad kala leit ban tied nyngkong ha kaba kala kamai tang 97 run ha ka 36.4 over, ka Janicka R Marak kala kamai 46 run bad ka Kambesa A Sangma kala kamai 21 run.
Haba ka Meghalaya kala leit ban kawang ia ka bol, kala lah ban pynhap tang 3 wiket bad ka Manipur kala pyndep ia kane ka jingiakhun da kaba 98 run ha ka 27.2 over.
Ka Meghalaya kan iakhun pyrshah ia ka Tamil Nadu ha ka sngi Saitjaiñ.
Haba phai sha ka jingiakhun kaba nyngkong jongka Meghalaya haka Vinoo Mankad Trophy, ka Bengal kaba la tied nyngkong kala kamai haduh 402 run bad hap 3 wiket ha ka 50 over.
Ka Meghalaya kaba la leit ban tied ban beh ia katei ka thong kaba la buh da ka Bengal hynrei baroh ki nongtied kila hap lut ha ka 35.2 Over bad kamai tang 56 Run bad ka Bengal kala jop suk da 346 run.
Ki nongkwnag bok ka Meghalaya kila ioh khur mar shi wiket kiba kynthup ia u Kshtij Singhania, Angkit Tamang ban Da-u-la-biang Shangpliang ktba ha ka jingleit tied dei tang u Shubham Rasaily uba la lah ban kami 19 run.
Ka Meghalaya kan hap ban pynkhreh bha na ka bynta ka jingiakhun ha ka sngi Saitjaiñ pyrshah iaka Uttarakhand.
