Agartala, Risaw 04 : Arngut ki briew kiba donkti ha ka jingleh beijot bad pyniap ia ka Khynnah rit ha u 2019, kila ngat ha ka rai pyniap ha u Special Judge (POCSO) ka North Tripura hynne ka sngi Balang.
Kine ki arngut ki kyrteng u Dibakar Das na Dharmanagar bad u Sourabh Chandra Nath uba dei na Kanchanpur. Ia kane ka rai jong ka Iingkashari la pynthikna da u Public Prosecutor (PP) Sudarshan Sharma.
Ia kane ka case la register ha ka 18 tarik Jylliew 2019 ha Dharmanagar Women’s Police Station hapoh ka kyndon 302/201 jong ka Indian Penal Code (IPC).
La iathuh ba ka Kmie jong kane ka Khynnah kala pyntip ia ka jingjah rngai ka Khun naduh ka 17 tarik Jymmang, 2019 hynrei hadien shibnai, kata ha ka 18 tarik Jylliew, 2019, la lap noh ia ka metiap jong kane ka khynnah na Halflong Tea Estate.
Ia ka jingtohkit la khlieh da u Women Sub Inspector Sanchita Nath na Dharmanagar Women Police Station, kaba la ioh kem ia kine ki arngut kiba la phla ia ka jingleh beijot bad pyniap ia kane ka Khynnah.
Kane ka Heh Pulit kala chargesheet ia kane ka case ha ka 28 tarik Naiwieng, 2019 hapoh ka kyndon 363/376 DB/302/201 IPC, bad kyndon 6 jong ka Protection of Children from Sexual Offences (POCSO) Act.
