Shillong, Nailur 27 : Ka National Monuments Authority (NMA) ka Sorkar Pdeng, kala khnang ban tei ia kino kino ki jngtei hajan jong ki 5 tylli ki jingtei u menbarim bala ai jingiada da ka Sorkar Pdeng ne ki Centrally Protected Monuments, kiba don ha West Jaintia Hills District.
Kine ki san tylli ki jingtei ki kynthup ia ka Megalithic Bridge ne ka jingkieng ba siang da ki maw slab ba rben bala pynshong ha ki paia maw ba heh, kaba don ha Amlarem, ka Megalithic Bridge bala tip kum ka Thlu-Um-Wi ha Mupyut, U- Mawthoh-dur-briew ha Nartiang, Megalithic Bridge ha Syndai bad ka Top ha Syndai.
Kane ka jingpyrrkhing ka long kat kum ki kyndon jong ka Ancient Monuments and Archaeological Sites and Remains (AMASR) Act 1958.
Ka kyrwoh na ka NMA ka pyntip ba kat kum kane ka Ain, la khang ia kino kino ki jingtei ne jingpynkylla dur ia ki jaka bala ai jingiada hajan jong kine ki jingtei khlem da ioh ia ka jingmynjur na ka National Monuments Authority (NMA).
Ka Ain ka khang pyrshah ban tei jingtei hapoh ka 100 meter radius na ki jingtei u mem barim bad ki jaka ba la pyrrkhing ka lah ban kot sha ka 200 meter.
Ka NMA kaba hap hapoh ka Ministry of Culture kala pynmih ia ki kyndon ba dei ban pyntreikam haba ai NOC lane ka Building Permit ha kine ki jaka bala khang lane ki jaka ba hap hapoh ka Centrally Protected Monuments (CPM).
Pule lang ia kane: Kynnoh u Jaishankar ia ki ‘Poiwir’ ba pynmih ia ki kam iaumsnam ha Manipur
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
