Imphal, Nailur 27 : Ka Indigenous Tribal Leaders Forum (ITLF) Women’s Wing kala pynlong ia ka jingiakhih paidbah ha sor Churachandpur hynne ka sngi Balang ban pyrshah ia ka jingphah tohkit ka Sorkar ha ka Central Bureau of Investigation (CBI) halor ka jingshah pyniap ki arngut ki samla pule Meitei.
Ka Sorkar Pdeng kala thung ia ka jingtohkit CBI halor ka jingshah pyniap kine ki samla pule, kaba ka dur kala saphriang paidbah hynnin ka sngi, bad lam sha ka jingiakhih kaba jur ha Nongbah ka Jylla.
Kane ka jingiap kala lam sha ka jingiakhih kaba jur da ki paidbah ha ka sngi Ba-ar bad ka Sorkar kala pynjari biang ia ka hukum ba khang biang ia ka kor Internet kaba dang shu weng tang khyndiat sngi hadien san bnai bala khang.
Ka Tnad kam pohiing kala pyntip ba ka Sorkar kala khang biang ia ka kor Internet na ka bynta ki san sngi ban wan.
Palat 2000 ngut ki kynthei kila iashimbynta ha ka rally ha Lamka Public Ground pyrshah ia ka jingleh shiliang jong ka Sorkar Pdeng ia ki paid riewlum.
Ka Convernor ka ITLF Women’s Wing Marry Jone kala ong “Ngi la pynlong ia kane ka rally iakhih pyrshah ia ka jingtohkit CBI. Iaka jingtohkit la thung namar ka jingshah pyniap ki arngut ki samla. Ka Home Ministry kala shimkhia mar mar ban thung ia ka jingtohkit CBI hynrei kala sngap jar jar pat kiwei pat ki jingjia ba kum kine. Ngi la iohi ha bun ki khep ha ki jaidbynriew riewlum jong ngi ha kaba ki Kynthei kila shah leh beijot bad shah pyniaid lyngkhuit. Wat ki shynrang jong ngi kila shah pyniap dusmon bad la mait ruh ia ka khlieh hynrei ym don jingtohkit CBI ia kane. Balei ba ka Iingbishar ka shah liang hapdeng ki Jaidbynriew? Hato ngi ruh ngim dei ki briew? Hato ngim dei ki nongshongshnong ka India”.
“Namar kata ngi kwah ia ka jubab na ka Home Ministry. Balei ba hap peit Jaidbynrew?. Ban peit shiliang khmat ia kiwei pat ki Jaidbynrew?. Ka dei ban don ka lynti bad ngim kwah satia ia kaba kum kane. Ngim kwah ia ka jingtohkit CBI tang namar ba kine ki arngut ki Samla ki ialuh samla bad iaieid. Hynrei ym don jingtohkitsatia kat haduh mynta halor ka jing jia ia ki paid Riewlum.. Namar kata, ka Sorkar India kan hap peit ia ka jinglong jingan lem kumta ngin ym sngap jar bad khamtam eh ka ITLF Women’s Wing kan iakhun haduh kaba kut” ong ka Marry Jone.
Ha ka sngi Balang, ka kynhun CBI bala ialam da u Director kala poi ha Manipur da ka liengsuin ba kyrpang ban tohkit ia ka jingshah pyniap ki arngut ki samla pule.
 Women’s Wing kala pynlong ia ka jingiakhih paidbah ha sor Churachandpur hynne ka sngi Balang ban pyrshah ia ka jingphah tohkit ka Sorkar ha ka Central Bureau of Investigation (CBI) halor ka jingshah pyniap ki arngut ki samla pule Meitei.){kind=link}