Guwahati, Nailur 25 : Ka Lokpriya Gopinath Bordoloi International Airport (LGBI), lane ka Guwahati Airport, kala pynkhreh mynta ia ka plan ban kit ia ki mar ba pynmih na ka thain Shatei Lam Mihngi sha kylleng ki jaka jong ki Ri ka pyrthei hapoh ka 24 kynta.
Kane ka kad liengsuin kala sdang mynta ban pyntrei ia ki jingtei kiba donkam ha kaban pynurlong ia kane ka thong.
Ka Domestic cargo terminal jong kane ka Kad kala lah ban wanrah bad pynpoi ia ki mar (cargo) ba palat 1000 metric ton ha kine ki laibnai bala leit noh ba kynthup ia 146 ton ha u Jylliew, 411 ton ha u Naitung bad 426 ton ha u bnai Nailar mynta u snem.
“Ka Assam bad ka Thain Shatei Lam Mihngi ki don shibun bah ki lad ban pynpoi ia ki mar ba lah ban pyut lyngba ki kad liengsuin. Nalor u Khaw, u slasha bad ki orchid, ka thain ka don ruh shibun ki mar ba phyla kiba lah ban die ha kylleng sawdong ka pyrthei. Bhut Jalakia, Sohtrum, sying, kazonemu bad kiwei ki khur lane ki am rep jong ka thain ki lah ban bsa ia ki jaidynriew ha kylleng ki ri ka Pyrthei naduh ka Dubai haduh Singapore” ong u Chier Airport Officer ka LGBI.
Ula ong ruh “Ngi la tei mynta ia ki jingtei ba ki mar ki mata kin poi hapoh ka 24 kynta sha ki Ri ka pyrthei. Da kaba iatreilang bad ka Sorkar Assam, ngi la thaw mynta ia ka iew kit mar da ki liengsuin kiban wanrah bad kyntiew ia ka ioh ka kot jong ki nongshongshnong ka thain”.
Kane ka cargo terminal ka don mynta haduh 550 sqare meter bad ka plan thymmai ka long ban tei ia ka International cargo terminal building ha ki snem ban wan.
