Shillong, Nailur 21: Ka West Jaintia Hills District Cricket Association kala pynrem iaka East Khasi Hills Cricket Association da shi wiket ha Zone 1 Group B jong ka Meghalaya Cricket Association’s U-19 Boys Inter District Cricket Tournament hynne ka sngi Palei.
Katba ha kawei pat ka jingiakhun hapdeng ka Tura DCA bad ka North Garo Hills DCA ha ka Zone 2, ha Salpara, Mendipathar la hap ban pynsangeh noh khlem da ioh ban ialehkai.
Ha Umbuda, Nongpoh, ia ka jingialehkai la pynialehkai noh tang 25 Over, ka EKH kaba lajop iaka jingkynting pisa kalajiedban tied nyngkong ha kaba kala duh noh ia ki 3 ngut ki nongtied bad kamai tang 30 run mar ia sdang.
U Nangsan Kynter ula kamai 14 run bad u Daulabiang Shangpliang ula kamai 35 run bad kine kila lah ban tied bha.
Ka EKH kala kamai 107 run bad hap 8 ngut ki nongtied, hynrei u Jentizen Marpna, ula lah ban kamai 16 run khlem out na ki 11 ball bad kane kala pynlong iaka EKH ban kamai 132 bad hap baroh ki nongtied.
U Namewanki Pakyntein ula ioh ban khur 3 wiket bad ai tang 20 bad u Byforcestar Dhar ula ioh 2 wiket bad ai 25 run.
Ka West Jaintia Hills haba kala leit abn tied kala kamai 30 run bad hap 3 ngut ki nongtied, hynrei da ka jingialehkai bha u Chwamiki Ryngkhlem uba la kamai 18 run bad u Namewanki 19 run kila lah ban pynneh iaka wiket.
U Marconi Phawa ula ialeh ban pynpoi sha ka jingjop iaka WJH da kaba kamai 33 run naka 33 ball bad pynpoi iaka jingkamai haduh 116, ka WJH kala donkam sa
17 run na ka 3.2 over.
U Riata Challam ula leh ia kaba donkam da kaba tied 2 tylli ki Four bad kamai
14 run na ki 22 ball, katba u Stellify N Sten ula ioh ban kamai 2 na ka 4 ball ban pynjop iaka WJH ha ka jingkawang ball kaba khatduh jong katei ka jingiakhun bad pynlong syndon iaka WJH ban jop das hi wiket.
U Damechwa Khongsngi ula ioh 3 wiket bad ai 11 run na ka bynta ka EKH, katba u Despenly Syiemlieh ula ioh 2 wiket bad ai 32 run, u Daulabiang ula ioh 2 wiket bad ai 34 run.
Ha ka sngi Thohdieng ka jingiakhun haka Zone 1, Group A, kan long hapdeng ka Shillong Cricket Association A pyrshah iaka Ri-Bhoi DCA, katba ka South Garo Hills DCA pyrshah iaka North Garo Hills DCA kin iakhun ha ka Zone 2.
