Shillong, Nailur 20 : U Myntri Rangbah ka Jylla Conrad K Sangma ha ka sngi Balang, ula iathuh ba ka Meghalaya Residents Safety and Security Act (MRSSA) 2016 kala treikam kumba ka long.
Haba jubab ia ka jingkylli bala wanrah hapoh ka Iingdorbar Thaw Ain, u Conrad ula ong ba ki sienjam bala shim da ka Sorkar ban pyntreikam ia ka Act ka kynthup ia ka jingthaw ia ki District Task Force ha baroh ki District bad ka jingpyllait ia ka webportal https//megrssa.nic.in/ ka ban ailad ia ki trai Iing ba kin ai jingtip halor ki nongshongwai kat kum ki kyndon jong ka MRSSA, 2016.
Ula pyntip ba ki don haduh 7 tylli ki Shnong kiba la jied kum ka jingpyrshang ban pyntreikam ia ka MRSSA, 2016 hapoh ka sor Shillong bad kine ki dei ka Nongrim Hills, Pohkseh, Nongrah, Nongmensong, Lapalang, Riat Laban bad Wahdienglieng.
Ula bynrap ba ka Ophis Deputy Commissioner ka East Khasi Hills kala pynlong ia ka jingai jinghikai ia ki Rangbah Shnong bad ia ki Nongtrei jong ki ba kumno ba kin pynrung kyrteng ia ki nongshongwai ha ka webportal.
