Mairang, Nailur 20: Ha ka jingjia ba ishyrkhei, kawei ka Khynnah skul klas XII na Mairang, kala shah thombor ha ki briew ki bym lah ban ithuh durkhmat katba ka dang wanphai na skul.
Kane ka khynnah skul kala shah pduh da u maw na ki bynta ka durkhmat bad shah dung ruh da ka tari na ryndang ha kine ki runar kiba byrngem ban siah ia u ryndang jong ka.
Kane ka khynnah skul ka don mynta hapdeng ka jingsumar ha Ha ka jingjia ba ishyrkhei, kawei ka Khynnah skul klas XII na Mairang, kala shah thombor ha ki briew ki bym lah ban ithuh durkhmat katba ka dang wanphai na skul..
Kat kum ki khubor, kane ka jingjia kala jia hynnin ka sngi Ba-ar. Ia kane ka khynnah skul la tip ba ka dei na ka shnong Lawbyrtun, Mairang, Eastern West Khasi Hills bad ka dei kaba pule ha Mawkyllei Higher Secondary School.
Ia kane ka samla la lap da ki para khynnah skul hapdeng ka jinglyngkien ka snam. Kine ki khynnah kila lap nyngkong ia ka sweater jong ka ha surok bad hadien ia ka jain bala sop snam hashuwa ba kin lap ia kane ka khynnah ha kawei ka jaka khlaw.
Kine ki khynnah kila pyrta mar mar ia ka jingiarap na ki nongiaid nongieng ha ka thain, kiba la pynkit noh mar mar ia ka sha Hospital ban ioh ia ka jingsumar.
Halor kane ka jingjia, ki Pulit ka Mairang ha ryngkat ka Crime Scene Unit jong ka Tnad CID ka Jylla, kila leit poi sha ka jaka ba lap ia kane ka khynnah ban pynlong ia ka jingtohkit.
Kat haduh ba thoh ia ka khubor, kam pat don satia ka jinglapdien ia kine ki runar bad ka jingthmu ba kila leh ia kane ka kam pyrshah ia kane ka khynnah skul. Ka jingtohkit mynta ka dang iaid shakhmat.
