Shillong, Nailur 18 : Ka balang Unitarian kala rakhe hynne ka sngi Nyngkong ia ka Unitarian Day kaba 136 ha ka nongbah Shillong.
Ha kane ka sngi ki riewngeit jong ka Balang Unitarian kila wan ban iakynduh lang ban rakhe ia kane ka sngi kaba kongsan ban kynmaw kyrpang ia ka jingriewspah ha ka histori bad ka nongrim ka jongki.
Ka Unitarian kadei ka jingiakhun ha ka kynja mynsiem bad ka nongrim jong kane ka jingngeit kadei kaba bun kaba la sot ia ka jingngeit tynrai ka Niam Khasi.
Ka thong kaba hakhmat jong ka Unitarian ka long ban pyniaid shakhmat ia ka kamram ban shakri ia u Blei bad ia ki para briew. Ka Unitarian ka ban jur ia ka jingitylli ha u Blei.
Ki tynrai jongka unitarian kiba bun ki mih na ka jingwan ka jingkylla lyngba ka Protestant Reformation ha ka spah snem kaba 16 ha kaba ki briew ha kylleng ka dewbah Europe kila dawa ia ka hok ban pule ban ban pynshai ia ka Bible na ka bynta ialade shimet, ka hok ban ioh ia ka jingiadei kaba marjan bad u Blei khlem da donkam ban iaid lyngba ki nongsharai balang ne ka iingmane bad ka hok ban pynbeit iala ka jingiatip lem pyrshah ia ka jingkam jong ki jaka pule niam.
