Shillong, Nailur 15 : U Nongialam ka AITC bad Myntri Rangbah ka Jylla Dr Mukul Sangma ha ka sngi Thohdieng, ula kyntait ba ula leit iakynduh ia ki Nonghikai jong ka Bharatiya Janata Party (BJP) ban khroh ba u kwah ban pyniasoh noh sha ka BJP.
U Dr Mukul ula kynthoh ia kane halor ka jingkam ba dang shen jong u President ka BJP-Meghalaya Bah Ernest Mawrie ba u Dr Mukul ula sha kyntait ban wan pyniasoh sha ka BJP da ki Nongialam ba halor ka party ha Delhi.
“Hato u (Ernest Mawrie) u iakynduh ia nga? Lane hato u Dr Mukul ula iakynduh napdeng jong ki? Sngewbha kylli ia ki. Toh kam pher ba ka politics jong ki kan ym iaid khlem ka kyrteng jong nga. Sngewbha kylli ia ki, wat kylli ia nga” ong u Conrad.
Une u Myntri Rangbah barim ula ong ba ula iohi ia kum kane ka khubor kaba la pynsaphriang khlem da kylli ia u.
“Ngan sa sngewtynnad palat lada ki paralok na ki lad pathai khubor kin ailad lem ia nga ban kynthoh shuwa ba kin pynmih ia kum kine ki khubor” ula ong.
Ha kajuh ka por, une u Myntri Rangbah barim ula ong ba u dang pule bniah ia ka rukom iaid ka politics ha ka Jylla shuwa ba un shim rai ia ki sienjam ban wan. Kat kum ka jingong jong u, kane ka long kaba donkam namar ka jingmih na ka elekshon MLA 2023 ha kaba ka AITC kala jop tang 5 seat na ka iing ba 60 ngut ki Dkhot.
“Kumta, ka long kaba donkam ia ngi baroh ban hap iabishar bha ia ka rukom iaid ka politics kaba la jia bad kaban sa jia ha ki snem ban wan bad kumno ba ngin jied ha kum kine ki jinglong jingman” ula ong.
U Mukul ula ong “Ki don ki daw ba ki briew kum na ngi ban sngew khia bad khuslai namar ngi don ia ka lad ha ryngkat bad bun kiwei pat ki nongialam ka Jylla ban iashimbyntalang ha ka ban tei ia ka Jylla”.
