Shillong, Nailur 14 : U Myntri Rangbah ka Jylla Conrad K Sangma ula pynpaw ba kim pat iapynbeit satia ia ki Tarik ban iashong jingialang ha kaban iakren iapynbeit ia ki kam kajia pud jong ka wat ba-ar bad u Myntri Rangbah ka Assam Himanta Biswa Sarma.
Haba iakren bad ki nongthoh khubor ha ka sngi Palei, u Conrad ula pynpaw ba ka jingiakren bad u Myntri Rangbah ka Assam hynnin ka sngi ka dei kaba shu iakren para maki, ha akba kila ioh lad ruh ban iakren kham bniah ia ki katto katne ki kam.
Ula bynrap ba ki (CM) khmih lynti ban pynthikna ia ki prokram bad ki Tarik hapoh kine ki khyndiat sngi ban wan.
Haba ban jur ia ka jingdonkam ban iatrei, iasyllok bad ia imlang hapdeng ka suk ka sain bad ki Jylla ba marjan, u Conrad ula kubur ia ka jingdon ki jingtynjuh bad ki jyrwit jyrwat.
Ula ban jur ba ka jingiapyni bor kam dei satia ka lynti ban pynbeit ia kine kiei kiei baroh.
U Myntri Rangbah ka Jylla ula iakynduh hynnin ka sngi Balang bad u Myntri Rangbah ka Assam Himanta Biswa Sarma ha Shillong bad kila iakren iakhajna halor ki kam khappud bad rai ban wanrah shwa ia ki lad ki lynti ban tei ia ka jingshaniah hashuwa ba kin leit iajurip lang ia ki jaka iakajia ha u bnai Risaw.
Pule lang ia kane: “Ki sngi shong Dorbar Synrai ki long kumba ju long ha ki snem bala leit”, ong u Conrad
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
