Shillong, Nailur 12 : Ka Kynhun Myntri ka Sorkar Jylla hynne ka sngi Ba-ar, kala mynjur ia ka jingtyrwa ban pynkha noh ia ka Engineering Wing hapoh ka Tnad Meghalaya Police Headquarter, Shillong.
Cabinet has approved the proposal for creation of an Engineering Wing in Police Headquarters, Shillong.@MeghalayaPolice has a large number of infrastructure in the State and hence, in order to allow the Department to handle the necessary renovations of administrative &… pic.twitter.com/CSnm5qPwaE
— Conrad K Sangma (@SangmaConrad) September 12, 2023
Haba iakren bad ki nongthoh khubor hadien ka jingialang, u Myntri Rangbah ka Jylla Conrad K Sangma ula ong “Ka Tnad Pulit ka don bun bah ki jingtei ha kylleng ki jaka ka Jylla bad kumta khnang ba ka Tnad Pulit kan lah ban shimkhia hi dalade ia ki jingdonkam jong baroh kine ki jingtei bad ki Ophis, ka donkam ban don noh ia ka Engineering Wing”.
U Conrad ula ong ba da ka jingbym don ka Engineering Wing, ka Tnad kan hap ban bud ia ki rukom treikam kiba shim bun ia ka por bad ba hap kynthup ia bun ki Agency tang ban leh ia I kam iba rit eh wat ia ka kam maramot ia ka kamra leit bar lane maramot ia ki thanad ne ki Barrack.
“Mynta ia baroh kine ki kam kiba don ha ka Tnad yn sa leh noh da ka Engineering Wing” ula bynrap.
U Conrad ula pyntip ruh ba ka Sorkar dang shen kala shim ia ka rai ban mang pisa bad buh katto katne ka song ha ka bor jong ki Superintendent of Police (SP) bad Deputy Commissioner (DC) jong baroh ki District khnang ba kin lah ban pyndonkam ia kane ka song pisa ban pyntrei ia ki kam maramot ha ki District bad ban lah pynbiang ia ki jingtei jong ki Pulit.
“Bad kane ka rai ba mynta kan plie lynti ia katei ka rai ba kan treikam ha ka lynti kaba dei bad ban pynthikna ba ki Pulit kin ioh ia kat ki jingdonkam ba donkam ha ki District” ula ong.
Pule lang ia kane: Nagaland: Kynnoh ka NPCC ba ka jingpynlut ha ka Elekshon ka kham heh ia ka Mang tyngka ka Jylla
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
