Imphal, Nailur 01 : Kumba 8 ngut ki briew kila iap kynthup u nongthaw jingrwai bad u Volunteer ka Village Defence Party katba 20 ngut kila mynsaw ha ka jingiather kuli hapdeng ki Kuki bad ki Meitei ha Bishnapur bad Churachandpur District, kaba la sdang naduh kine ki lai sngi bala leit noh.
Kat kum ka khubor, arngut ki brew kiba iap ha Bishnapur District kaba buhai shnong da ki Meitei katba lain gut kila iap ha Churachandpur kaba bun eh ki Kuki-Zo ba shongshnong.
Ha kajuh ka por, ka Indigenous Tribal Leaders Forum (ITLF), kala pynbna ia ka pakhang shnong ba kyrkieh ha Churachandpur District hynne ka sngi Thohdieng hadien ba bun ki jaka bas ah ki Kuki-Zo kila shah hiar thma.
Ki briew ba iap ha ka sngi Palei ki dei kiba la tip kyrteng u Paokam Kipgen na Churachandpur bad u Pausawndam Vaiphei na Kangvai, katba u nongthaw jingrwai L.S. Mangboi Lhungdim ban a Churachandpur uba thaw ia ka jingrwai “I Gam Hilou Ham (Is this not our land?)” ula iap ha ka sngi kaba bud.
Ka jingiather kuli hapdeng kine ki ar jaidbynriew kala sdang ha ka step sngi Palei bad ka dang iai bteng ha ki jaka them jong ka Bishnapur bad ki jaka ba marjan ka Churachandpur District.
La kynnoh ruh ba ki bor shipai kim shym la lah ban tehlakam ia ka jingpyrshang wiang ding ia ki Iing ki sem bad ka jingia pyniap briew hajan ka shnong Leimakhong kaba hap hapoh Kangpokpi District.
Pule ruh: Kyndang ka Sorkar Assam ia ki paid Khasi-Pnar na ki Shnong Khasi ha Cachar Hills
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
