Shillong, Nailar 30 : Ka Tnad Social Welfare ka Jylla kala mad ia ka jingtyrkhong hi raw ha ka pla tyngka ban pyniaid ia ki State Childrens Home jong ki Kynthei bad Shynrang ha ka Jylla.
Kat kum ka khubor ba ioh lum, kane ka jingtyrkhong ka pla pisa kala sdang naduh u bnai Jymmang 2023 bad kala bteng kat haduh mynta mynne.
La iathuh ba ki Superintendent jong kine ki Childrens Home kila pyniaid ia kine ki jaka ri ia ki Khynnah da kaba sei pisa nala ka jong ka pla bad lyngba ki katto katne ki synniang.
Lah ban kdew hangne ba haduh 90% ka pisa kala leit sha ka MWCD ka wan na ka Sorkar Pdeng bad 10% ka wan n aka pla tyngka ka Sorkar Jylla.
Haba iakren bad u nongai khubor, u Superintendent of Childrens Home (Boys) ba don ha Tura ula ong “Ngi don 8 ngut ki khynnah shynrang hangne bad ngi hap ban aibam ia ki, phah ia ki sha skul. Ia mynta ngi la pynbiang ia kine ki khynnah lyngba ki jingnoh synniang bad ki jingiarap”.
Une u Ophisar ula ong ba ka jingtyrkhong pisa ka dei kaba pynkhuslai bha namar ngi hap ban pynbiang ia ka jingdonkam ki khynnah, ki nongtrei, ka tulop bad kumjuh ruh ban pyniaid ia ki kam ka Ophis.
Ula bynrap “Kam dei satia tang kane ka Childrens Home jong ngi, kiwei ki Childrens Home jong ki Kynthei ruh ki mad ia kajuh ka jingeh. Ym tang hangne hynrei kiwei ki District ruh ki mad ia kajuh ka jingeh”.
Pule lang ia kane: Ngam jyllop u khynnah ha dam Chibinang
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
