Shillong, Nailar 30 : Kumba 22 tylli ki College napdeng ki 75 tylli kiba la pyniasoh ialade bad ka North Eastern Hill University (NEHU), kin dang ban bud ia ka 4-year Undergraduate course jong ka National Education Policy-2020 wat hapdeng ka jingbuh por khatduh jong ka University Grant Commission (UGC).
Ka synjuk ki Nonghikai College-Meghalaya College Teachers’ Association (MCTA) ka dang pynbteng ia ka jingsangeh shim klas (boycott) ia ki first semester, kum ka jingpyrshah ia ka jingleh kyrkieh ka NEHU ban pyntreikam ia ka NEP-2020.
U General Secretary ka MCTA Dr Airpeace W Rani ula pyntip ba 22 tylli ki college bala iasoh bad ka NEHU kila boycott ia ki klas ka first semester bad kim treh satia ban shim ia kino kino ki kam (assignment) bala ai kat kum ka Policy ba thymmai.
Ka Association kala phah jingthoh sha u Vice Chancellor Prof PS Shukla ban weng noh ia ka jingpynbna (notification) ba 12 tarik Nailar, kaba buhpor ban pyntreikam noh ia ka NEP 2020 ia baroh ki college bala pyniasoh bad ka NEHU.
U Dr Rani ula pyntip ba ka MCTA kala dep phah ia ka shithi ha ka 21 tarik Naitung hynrei namar ka jingiai sngap mynthi, ka synjuk kala sdang ia ka jingiakhih da kaba kyntait ban iatreilang (non-cooperation movement) naduh ka 1 tarik Nailar.
“Ngi la iakhih la jan shibnai. Ngi kyrpad ia u Vice Chancellor ban weng noh ia ka jingpybna bad pynkut ia kane ka jingiapynibor” ong u Dr Rani.
U Dr Rani ula ong ruh ba ki mat iakren jong ka Academic Council ka NEHU, kim shym la kren eiei ruh em halor ka jingpyn treikam ia ka NEP-2020.
Ha kajuh ka por, u VC ka NEHU ula iaroh ia ka rai jong kiba bun ki College ban pyntreikam noh ia ka four-year undergraduate programme (FYUP) kumba la pruid dak ha ka National Education Policy 2020 (NEP 2020).
Nalor kane, u VC ula kyntu ruh ia ki nonghikai college kiba iakhih ba kin iakren sani ha kaban iapynbeit noh iakino kino ki jingeh bad khot ruh ia ka MCTA ba kan wan iakren na ka bynta ban lah shim ia ka rai kaba mynjur lang.
Pule lang ia kane: Pynthikna u DyCM ba ka Lapangap kam hap hapoh ki jaka iakajia pud bad ka Assam
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
