Shillong, Nailar 29 : Shuwa ban poi ka aiom tamasa, ka Sorkar Pdeng kala khate ia ka dor jong ka tyndong lyer shet jingshet da T. 200 kawei ka tyndong (Cylinder) sha baroh ki nongthang lyer shet jingshet hapoh ka Ri.
Ia kane ka rai la shim da ka jingialang jong ka Kynhun Myntri ka Sorkar Pdeng ba long ha ka sngi Ba-ar bad la mynjur ia ka hapoh ka skhim Ujjwala. Ka subsidy bynrap kan long T. 200 bad mynta ka subsidy baroh lang kan long T. 400 kawei ka tyndong na ka bynta ki nongioh ia ka Pradhan Mantri Ujjwala Yojana (PMUY).
Kane ka rai kala wan kum ka jinglait pynhiar mynsiem ia ki Longiing namar kala rai ban khate ia ka jingpynlut jong ki ba manla u bnai ha ka tyndong lyer shet jingshet.
Kumba long mynta, ka LPG cylinder ba 14.2 Kg ka shongdor T. 1103 ha New Delhi. Kan sa hiar sha ka T. 903 naduh ka sngi Balang.
Ha kajuh ka rukom, ka dor kan long T. 703 ia ki nongioh ia ka Ujjwala hadien ka jingbteng ka T.200 ka subsidy ia kawei pa kawei ka tyndong.
U Myntri ka Sorkar Pdeng Anurag Thakur ula pyntip ba kane ka rai jong ka Sorkar Pdeng ka dei ka jingai sngewbha jong u Myntri Rangbah Duh ka Ri ia ki paidbah, kum shibynta ka jinglehkmen Raksha Bandhan bad Onam.
U Thakur ula ong ruh ba ha u snem 2014, ha ka por ba ka BJP ka wan ha ka bor, tang 14.5 klur ki nongshongshnong ki don ia ka LGP connection. Hynrei mynta kala jia sha ka 33 klur ha kaba 9.6 klur ki dei kiba ioh n aka Ujjwala scheme.
Pule lang ia kane: Ieh ka Sorkar ha ka jingstad u VC ka NEHU ban iakren pynbeit bad ka MCTA
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
