Shillong, Nailar 23: Ki dribar ba kamai taksi jong ka Mawshbuit Taxi Owner Driver Association bad ka East Khasi Hills Local Taxi Association hynne ka sngi Balang, kila kynduh ia u Deputy Commanding ka Assam Regiment Mawshbuit u Y.Malhotra ban pynpaw ka jingpyrshah halor ka jingkam trai ki shipai Assam Rifles iaka jaka ieng ki kali kamai ka ba don marjan bad kane ka ktem ki shipai Assam Rifles.
U President ka Mawshbuit Taxi Owner Driver Association Bah Riwinroy Kharbuli ula iathuh ba ka jingiakynduh ia u heh shipai Assam Rifles kadei ban pynpaw iaka jingpyrshah namar la palat ar taiew tam ki shipai kila teh da u tyllai ban kam trai ia katto katne bynta jong kane ka jaka ieng ki kali kamai ha Mawshbuit.
U bah Riwinroy ula iathuh ba ki shipai Assam Rifles kila kynnoh ba kila teh da u tyllai ha kane ka jaka ieng ki Taksi kamai namar ba ka surok ka rit palat, ka ba la pynshitom iaki kali jong ki ban khun namar ka jingkhapngiah.
U iathuh ba haka jingiakynduh bad u heh shipai Assam Rifles, ki Dribar Taksi kila pynpaw ba ka jingshem jingeh ki Dribar shipai ban khun iaki kali kam dei ba khapniah ka surok hynrei kadei hi namar ba kine ki Dribar shipai kim pat da tbit ban niah kali haki surok ba khamrit kum ha Shillong.
“Namar ka jingiakren kaba sani bha bad u heh shipai Assam Rifles, kala don ka jingiasnewthuh jingmut bad mynta ka kynti ki shipai kila mynjur ban weng noh ia u tyllai bala teh ha kane ka jaka ieng ki Taksi kamai” la ong u bah Riwinroy.
U bah Riwinroy ula iathuh ba hadien ka jingiakren bad u Commanding jong ki shipai Assam Regiment, la mynjur ruh ban phut bad pynpra noh ia ki tyllai bad ki dieng ba la suh hapoh khyndew ha jaka ieng ki kali kamai.
Pule ruh: Dawa ka JNC ban pynbeit ia ka iakajia pud ha Block-I kat kum ki khana pateng ki Pnar
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
