Guwahati, Nailar 22: Ka Election Commission ka India (ECI) kala pynsangeh ia ka jingtreikam jong ka Electoral Roll ka Assam hadien ka jingpynmih ia ka hukumba khadduh ban phiah thymmai ia ki Assembly bad Parliamentary Constituency ka Assam ha ka 11 tarik Nailar.
Kat kum ka khubor, ka ECI kala lum ia ka jingialang bad ka Tnad Election ka Assam dang shen ha Assam bad ha kane ka jingialang, ka ECI kala pynsangeh ia ka jingtreikam jong ka Electoral Roll ka Assam.
Ka jingpynmih ba khadduh ia ka Photo Electoral Roll ka Assam ka dei ha ka 27 tarik Kyllalyngkot, 2023. Kat kum kane ka Electoral Roll, ki don haduh 2,41,11,743 ngut ki nongthep vote ha ka Jylla. Ki nongthep vote shynrang ki long 1,21,28,543 ngut katba ki kynthei ki long 1,19,82,804 ngut katba ki third gender ne ki briew ba kleh shynrang kynthei ki don 398 ngut.
Ha kajuh ka por, ka ECI kala pynmih ia ka jingpynbna ia ka por ban pynmih ia ka draft electoral roll, ka jingbuh ia ka jingkam bad jingpyrshah, bad ka jingpynmih khatduh ia ka phot0 electoral roll jong baroh ki Jylla.
Kat kum ka jingtyrwa, ia ka draft electoral roll la buh ban pynmih ha ka 1 tarik Nohprah 2023.
Pule ruh: Hiar lum nuksa bad phah test ka FKJGP ia ka um kor sorkari na Shillong ba ud ki paidbah
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 kala pynsangeh ia ka jingtreikam jong ka Electoral Roll ka Assam hadien ka jingpynmih ia ka hukumba khadduh ban phiah thymmai ia ki Assembly bad Parliamentary Constituency ka Assam ha ka 11 tarik Nailar.){kind=link}