Shillong, Nailar 21: Ka Tnad ka koit ka khiah ka Jylla, ka pyntip ba ki don haduh 1324 ngut ki briew kiba la shah ktah haka jingpang niangmat lane Eye Flu ha East Khasi Hills, 333 ngut ha West Garo Hills, 155 ngut ha West Jaintia Hills.
La iathuh ba kane ka jingpang ka sdang khie nyngkong naduh u bnai Naitung bad mynta ka kynti watla ki dang don kiba dang shah ktah ha kane ka jingpang hynrei ki paidbah kim dei ban syier mynsiem namar naka liang ka tnat ka koit ka khiah kala peitngor bha haba iadei bad ka jinglong jingman kane ka jingpang.
Naka liang u Principal Secretary ka tnat ka koit ka khiah u Sampath Kumar ula iathuh ba ka tnat lyngba ka National Health Mission (NHM) kala peitngor bha ia ka jinglong jingman jong kane ka jingpang.
“Hoid ki don kiba shah ktah ha kane ka jingpang niangmat (Eye Flu) hynrei kam dei satia ka khlam bad ki briew ruh kim dei ban syier mynsiem hynrei kidei ban shu bud ryntih iaka jingbthah ka tnat ka koit ka khiah ban iada naka jingiabit na kane ka jingpang” la ong u Sampath.
Haba kylli kaei ka daw ban pynlong ban khie kynsan kane ka jingpang niangmat, u Sampath Kumar ula iathuh ba kane ka jingpang ka don ha baroh kawei ka ri India kum ka Delhi bad kane ka lah ban dei namar ka jingduna slap.
U Sampath Kumar ula iathuh ba ki paidbah ruh kim dei ban kulmar jingmut hynrei kidei ban shu bud ryntih beit iaki jingbthah ka tnat ka koit ka khiah namar kane ka jingpang kam dei satia ka khlam.
Naka liang u Director ka tnat National Health Mission (NHM) u Ram Kumar ula kam ba kane ka jingpang ka ju wan jia man u snem bad haduh mynta ym lah satia ban batia thikna, balei ki briew ki ioh ia kum kane ka jingpang niangmat.
“Ka jingpang ka wan jia man u snem, ki briew kim dei ban syier mynsiem hynrei kidei ban bud thik iaka jingbthah ka tnat ka koit ka khiah, kumno ban iada naka jingiabit na kane ka jingpang” la ong u Ram Kumar.
Pule ruh: Lum u MLA ia ki bor pyniaid ki CHC, PHC bad Sub Centre ka Jirang ban weng ia ki jingeh
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
