Nongstoiñ, Nailar 21: Ka bor pyniaid ka West Khasi Hills District hynne ka sngi Nyngkong, kala lum ia ka jingialang jong ki Khlieh Nongsynshar ka Hima Nongmynsaw bad ruh ki Sordar jong ki 53 tylli ki Shnong kiba hap hapoh ka Langpih sector, ban iamir jingmut halor ka kam iapynbeit pud jong ka wat kaba ar hapdeng ka Sorkar Meghalaya bad Assam.
Ia katei ka jingialang la pynlong ha conference hall jong ka Ophis u Deputy Commissioner uba la pyniaid ia ka jingialang bad kiba la iadonlang ki kynthup ia u Syiem ka Hima Nongmynsaw bah Phlowel Syiem, u Additial Director ka Land Survey Meghalaya Bah J Marwein bad kiwei kiwei.
Kat kum ka khubor, u Bah J Marwein ula wanrah ruh ia ka map jong ki jaka puta ban pynthikna biang sa shisien ia u pud u sam jong ki shnong ka thain Langpih sector.
Ka jingialang kala iakren ruh halor ki skhim bapher bapher bala pyntreikam da ka Sorkar Meghalaya hapoh ka thain khnang ba kin long ki sakhi kiba ka Regional Committee on Border Dispute kan ioh ban iasaid bad ka Assam.
Pule ruh: Ym pdiang ka Iingkashari ia ka jingai daw ia u slap ba sniew ki surok hapoh ka Jylla
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
