Shillong, Nailar 21 : Ka Kynhun ki Sengbhalang na Ri-lum Garo kila iakynduh ia u Myntri Rangbah ka Jylla Conrad K Sangma ha ka sngi U Blei bad buh ia ka jingkyrpad ba un phah pyllait noh ia ki dkhot jong ki, kiba shah kem halor ka jingkulmar ba mih ha ka 24 tarik Naitung ha Tura, West Garo Hills.
Kine ki kynhun ki kynthup ia ka ADE, FKJGP, AYOW, GSU bad ka FAF. Bun ki dkhot jong kine ki seng kila shah kem halor ka jingsuba donkti bad ka jinghiar thma ia ka Chief Minister Officer, Tura, katba ka jingiakren hapdeng u Myntri Rangbah bad ki Nongialam ka ACHIK bad ka GHSMC ka dang iaid shakhmat.
U President ka ADE West Garo Hills, Dalseng Bira Cheran ula pyntip ba u Myntri Rangbah ka Jylla ula kular ba un sa khmih ia kane ka kam kham kloi kat kaba lah.
Ula ong ruh ba ka lawei jong ki Dkhot kan sa shah ktah jur bha lada ki dang iai bteng ban don ha along, bad dei namar kane ka daw ba kila kyrpad ban phah pyllait noh.
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
