Imphal, Nailar 20 : Ha kawei pat ka jingjia ba sngew shyrkhei, uwei u rangbah na ka Jaidbynriew riewlum ula shah siat iap ha ka kynhun kiengatiar ha Churachandpur District hynne ka sngi U Blei.
Kat kum ka khubor, kane ka jingjia kala jia ha ka thain Khuga Tampak kaba hap hapoh Churachandpur Police Station ka Manipur.
Ia ka metiap une u rangbah la pynithuh kum k Lalkhangthang. Ula iap na ka jingshei bun kuli bad ia ka met jong u, la lap ha ka por 7 baje mynstep najan Khuga Tampal Tuithangpi.
U dei u nongshongshnong ka Dorcas Road kaba don ha New Lamka jong ka Churachandpur District.
Ki Pulit ki iathuh ba ia une u briew la siat iap da ki kynhun ki bym lah satia ban tip ki dei ki ei. Ki Pulit kila ioh ruh ban kurup ia kawei ka kali arshaka kaba une u briew u niah ha ka por ba u shah siat.
Ki Pulit kila register case halor kane ka jingjia bad ka jingtohkit mynta kala iaid shakhmat.
