Nongstoin, Nailar 18 : Ka Khasi Students Union-Nongstoin Circle ha ka sngi Thohdieng kala leit khang tala ia kawei ka Iing kaba don ha Khlieh Iew Nongstoin halor ka jingtip ba kane ka Iing ka dei ka ktem jong ki Nongkhaii droks, kiba ju pyniaid ia ka kam khaii droks hapoh Iew Nongstoin.
Lah ban kdew hangne ba ka kam khaii droks ha Iew Nongstoin kala kynrei bha haduh ba ki nongshong dukan ha kane ka Iew kila hap ban khang khyrdep ia ki dukan tang mar syn kem dum ka bneng namar ka jingsheptieng ia ki nongkhaii bad ki nongdih droks, kiba leh ia ki kam pyntriem ba ha rukom.
Ka jinglong jingman kala poi haduh u pud ba ki nongshong dukan kila hap ban khang ryntih ia la ki dukan ha kajuh ka por ban nym shah ieh shadien, ioh kylla long sohpdung jong ki nongkhaii bad nongdih droks.
Ka KSU haba iohi ia kane ka jinglong jingman, kala pynlong ia ka jingtohkit kaba bniah bad kala lap ia kane ka Iing kaba don ha Khlieh Iew, kaba ju pyndonkam da ki nongkhaii droks ban pyniaid iew ia u droks. Kane ka Seng kala leit ban khynra ia kane ka IIng bad khang tala shisyndon haba maham ruh ia ki nongaiwai dukan ba kin da bishar bha ia ki briew ba ki aiwai dukan khnang ban kiar naka jingaiwai ia ki nongkhaii droks.
Ka Seng ka maham ruh ia baroh ki trai iing ba kim dei ban ai wai ia kum kine ki briew kiba pynjaboh ia ka imlang sahlang.
Ha ki snem kiba la dep, u Syiem u la dep ban pynmih ia ka hukum ia ki trai jaka kiba don iing ne dukan hapoh iew ba kim dei ban ai wai iing sah hapoh iew.
Ka seng ka phah ia kane ka kyrwoh ban iawer ia baroh ki trai iing bad ki shnong ki thaw ba ki dei ban peit bniah ha shwa ban ai wai ia kino kino ki briew bad ruh ki dei ban aiti ruh sha ka Shnong ia ki kot ki sla kiba biang katkum ki aiñ shnong.
Pule ruh: Ioh tohkit ki Pulit haduh 10 sngi sa ia ki 4 ngut ki dkhot ka NLCN
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
