Guwahati, Nailar 18: Sa arngut ki briew kila shah bomiap ha ki paidbhur ha ka step sngi palei ha ki artylli ki jaka ha Assam kaba la nang kynton ia ka jingiap ki briew ba shah bomshnong.
Uwei u briew ba 45 snem ba suba nongtuh blang, ula shah kem bad shah bomiap ha Darrang District. Haduh 14 ngut ki briew kila shah kem halor kane ka jingjia.
Ia une u briew la tip kyrteng u Mojibur Ali.
Kat kum ka jingiathuh u Superintendent of Police (SP) ka Darrang Prakash Sonowal, kane ka jingjja kala jia ha ka thain he Sipajhar ha ka por 3 baje mynstep.
Ki bahaiing ki pyntip sha ki pulit ba u Mojibur u dang don ga lynti ban wan sha iing namar ki jingdonkam kyrkieh.
Ha kawei pat ka jingjia, uwei u khynnah 27 snem Binod Brahma ula shah pyniap halor ka jingkynnoh ba u tuh na kawei ka iing ha Tinipukhuri kaba hap ha Tamulpur District.
Une u briew ula leit rung ha kawei ka iing da ka jingthmu ban tuh hynrei la ioh bat ia u da ki trai iing bad ki marjan, kiba lah bkm shnong ia u haduh ban da iap na ka jingmynsaw.
Kane ka jingbom shnong kala jia tang da ki sngi hadien ka jing shah bomshnong uwei u briew ha Hojai District namar ka jingkynnoh tuh masi. Kane ka jingjia kala jia ha ka 12 tarik Nailar.
Pule lang ia kane: Pynwai ka Iingkashari ia ka mukotduma ba twa ka PA Sangma Stadium ha Tura
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
