Shillong, August 14: U Myntri Rangbah ka jylla Meghalaya u Conrad Sangma ula pynkylla ia ka dur kaba u buh ha ka Social Media da kaba buh ia ka dur jong ka lama India kum shi bynta jong ka ‘Har Ghar Tiranga’ campaign.
Ha ka sngi u Blei, u Myntri Rangbahduh ka ri u Narendra Modi ula pynkylla ia ka dur jongu ha ki social media account jongu da kaba buh noh da ka lama jong ka ri India.
U Narendra Modi ula kyntu ia ki paidbah ban iashimbynta ha ka ‘Har Ganga Tiranga Movement hapdeng jong ka 13 bad 15 tarik.
“Da ka mynsiem jong ka Har Ghar Tiranga Movement, to ngin ia pynkylla ia ka dur ka jong ngi ha ki social media account bad ban ai jingkyrshan ia kane sienjam kaba phylla kaban pynngam jylliew ia ka jingiateh jong ngi bad ka ri kaba ieid” la pynpaw u Modi ha ka microblogging site X.
U Modi ula kyntu ruh ia ki paidbah ban phah ia ki dur kaba ki shon kaba ki bat ia ka lama ri India sha ka www.harghartiranga.com.
Ka jingrakhe ia ka Independence Day yn pynlong ha kylleng ki bynta jong ka ri da kaba pynlong ia ki prokram bapher kynthup ia ka jingpynher ia ka lama ka ri, ki Cultural programme bad ka jingiaid Parade bad kiwei kiwei.
Ka ‘Har Ganga Tiranga Movement’ kadei da ka jingthmu ban kyntiew ia ka mynsiem ieid ri bad jingiatylli hapdeng ki nongshong shnong ka ri.
