Shillong, Nailar 12: Ka United Democratic Party (UDP) hynne ka sngi Saitjain, kala jied biang ia u MLA ka Mairang Bah Metbah Lyngdoh kum u President thymmai bad Dr Jemino Mawthoh kum u General Secretary ka party.
Ka Party kala jied ruh haduh 8 ngut ki Working President bad 5 ngut ki Vice President nalor 11 ngut ki Secretary nalor kiwei kiwei.
Ia kine ki Nongkitkam thymmai ka UDP la jied ha ka elekshon nongkitkam ka Central Executive Committee (CEC) ba long hynne ka sngi.
Ki phra ngut ki Working President ka Party ki dei u MLA ka West Shillong Bah Paul Lyngdoh, MDC ka Sohra Bah Titos Chyne, MLA ka Mowkaiaw Nujorki Sungoh, MLA ka Amlarem Lahkmen Rymbui, Bah Donbok Khymdeit, Rikman Sangma, LC Momin bad MLA ka Mawkyrwat Renikton L Tongkhar.
Ki 5 ngut ki Vice President ki kynthup ia u Bah Allantry F Dkhar, Bah Process T Sawkmie, bah Shitlang Pale bad Bah Mayralborn Syiem bad uwei na Ri-lum Garo bym pat ai kyrteng.
Ki secretary ka party ki dei u Bah Lasky Rymbai, Jambor War, Balajied Ranee, Mitchel Wankhar, Winning Sungoh, GG Bung Snaitang, Dr Aman War, Bah Teinwell Dkhar, Bah Monarch Shabong bad arngut na Ri-lum Garo kibym pat ai kyrteng.
Ha kane ka sngi, la pynthymmai ruh ia ki Nongkitkam ka Youth Wing ha kaba u MLA ka Khliehriat bah Kyrmen Shylla uba bat biang kum u President bad u MLA ka Shella Bah Balajied Synrem kum u Secretary.
Kumjuh ruh jong ka Women’s Wing la bat biang da ka kong Pretty Kharpyngrope kum ka President bad ka kong Wandashisha Rynjah kum ka Secretary.
Nalor kine, la pynthymmai ruh ia ki nongkitkam ka Farmers Wing ha kaba u MLA ka Mawsynram Bah Ollan Sing Suin ula bat kum u President bad u MLA ka Sohiong Synshar Roy Lyngdoh Thabah kum u Secretary.
Pule ruh: Assam: Pyniap ialade ka Heh BJP hadien ba saphriang pyrthei ki dur ialeh ieid bad u Nongialam
 hynne ka sngi Saitjain, kala jied biang ia u MLA ka Mairang Bah Metbah Lyngdoh kum u President thymmai bad Dr Jemino Mawthoh kum u General Secretary ka party.){kind=link}