Aizawl, Nailar 10 : Ka Mizo National Front (MNF) kaba iatreilang bad ka Sorkar NDA ba ialam da ka BJP, kala rai bna kyrshan ia ka No-Confidence Motion bala wanrah da ka Liang Pyrshah, kaba dang iakren ha Lok Sabha.
Ha ka sngi Palei, u C Lalrosanga, MP ba marwei na Mizoram, ula ong ba un ai ka jingkyrshan ia ka No Confidence Motion pyrshah ia ka Sorkar NDA.
“Ngim sngewtynnad satia ia ka rukom leh jong ka Sorkar BJP haba iadei bad ka jingjia Manipur. Ki para ki hynmen jong ngi ha Manipur kila shah ktah jur bad im sohsat namar ki kam iaumsnam ha Manipur” ong u Lalrosanga
Ula ong ruh ba ka MNF ka pyrshah jur ia ka jingtyrwa pyntreikam ia ka Uniform Civil Code (UCC).
U Lalrosanga ula ong ba ula dep ban iakren ia ka kam jong ka No-Confidence Motion bad ki Nongialam ka Party kynthup ia u Myntri Rangbah ka Jylla bad President ka MNF Zoramthanga.
Ha kajuh ka por, ki Nongialam ka MNF bad ki arngut ki MP na Mizoram kila pynpaw dangshen ia ka jingkwah ban weng noh ka party ia ka jingkyrshan ia ka Sorkar NDA halor ki ishu kum ka jingjia Manipur bad UCC.
 kaba iatreilang bad ka Sorkar NDA ba ialam da ka BJP, kala rai bna kyrshan ia ka No-Confidence Motion bala wanrah da ka Liang Pyrshah, kaba dang iakren ha Lok Sabha.){kind=link}