Agartala, Nailar 06: U Myntri Rangbah ka Tripura Dr Manik Saha ula leit jurip ia ki shnong khappud ka Chandipur-Sirampur kiba hap hapoh ka Unakoti District bad ioh jingkren iakhana bad ki nongshongshnong halor ki jingeh ba ki iakynduh.
Ha kane ka jingiakren iakhana, ki Nongshongshnong kila pynpaw hakhmat u Myntri Rangbah ia ka jingjulor ka jingker sainar shah ha khappud ka Inida-Bangladesh namar ka jingrong ka umsaw, kaba la wanraha pat ia shibun ki jingeh ia ki.
U Myntri Rangbah ula kular ia ki nongshongshnong ba un sa rah iakren ia kane ka kam bad ka Sorkar Pdeng bad ba un sa shim ruh ia ka sienjam ha kaban maramot noh ia ki jingjulor baroh kiba mih n aka jingrong ka umsaw.
Ki trai shnong kila kynnoh ba ka jingjulor ka jingker sainar kala pynshlur ia ki riew bymman ban pyndonkam kum ka lynti ha kaban khaii iaki mar beain, jingrung bein bad jingtuh masi kiba la nang jur arshah.
Ha kane ka jingleit jurip, ia u Myntri Rangbah la synran da u Myntri ka Tnad Social Welfare bad Myntri ka Social Education Tinku Roy bad Sudhangshu Das, u DC ka Unakoti Superintendent of Police ka Unakoti, ki Heh BSG bad kiwei kiwei.
