Shillong, Naitung 29: Ki shipai BSF ka 110 Bn, kila ioh ban kurup haduh 58 tylli ki muid kiba la thep ha ki 2 tylli ki trok na khappud ka East Khasi Hills katba dang thmu ban khaii sha Bangladesh.
Ia kine ki muid la ioh kurup hynne ka sngi Saitjain ha ka surok na Ichamati sha Shella, East Khasi Hills. Ki shipai kila kurup ruh ia kine ki trok bad ia kine ki kali lem bad ki muid la aiti noh sha ki Pulit ba kin leh ia kane ka donkam.
Ha kawei pat ka jingkhynra, ki shipai ka 193 Bn kila ioh ban kurup ia 30 tylli ki masi ba thmu ban khaii tuh sha Bangladesh na ka thain Dangar, East Khasi Hills.
Ia kine ki masi la aiti noh sha ki Pulit ka Dangar Police Station ba kin leh ia kaba donkam/
Kat kum ki jingiathuh ki shipai, tang naduh u bnai Kyllalyngkot, 2023, ki shipai BSF kila ioh ban kurup ia palat 2000 tylli ki masi na kylleng ki jaka khappud ka Jylla Meghalaya.
Pule ruh: SSA Women’s League : Rah biang ka Mawlai SC ia ka nam lahduh
